Die gebruik van die akoestiese refleks vir bepaling van die gehoorapparaat winsinstelling

Abstract

Spraakdiskriminasieinstellings is van twaalf gehoorapparaatdraers met sensories-neurale gehoorverliese verkry. Die toetsstimuli was Afrikaanse eenlettergrepige woorde wat in die teenwoordigheid van agtergrondsgeraas van aaneenlopende spraak met 'n sein-tot-ruis verhouding van +10dB aangebied is. Spraakdiskriminasieinstellings  is by vier winsinstellings vir elke proefpersoon gemaak, naamlik: 'n winsinstelling wat die akoestiese refleksdrempel vir spraakgeraas ontlok in die oor kontralateraal tot die oor met die gehoorapparaat; twee winsinstellings by +/- 10dB relatief tot die refleks drempel winsinstelling; en 'n winsinstelling waar aaneenlopende spraak teen 50dB gehoorpeil vir die pasiënt mees gemaklik klink. Die hoogste gemiddelde spraakdiskriminasietelling is by die refleksdrempel winsinstelling verkry.