Die voorkomsfrekwensie van oor- en gehoorpatologie by kinders in die afgesonderde gemeenskap van Tshikunda - Malema

Abstract

Hierdie navorsing het ten doel die bepaling van die aard en voorkoms van oor-en gehoorpatalogie by 'n afgesonderde gemeenskap in Venda. Honderd drie-en-vyftig kinders is aan 'n siftingsprosedure wat uit 'n oor-, neus- en keelondersoek, impedans- en suiwertoonsiftoudiometrie bestaan, onderwerp. Uit die resultate  blyk dit dat 15,2% van die getoetste populasie oor- en gehoorprobleme het. Die patologie wissel van middeloorpatologie (13,4%) tot sensories-neurale patologie (1,8%). Dit wil dus voorkom asof die voorkoms  van oor- en gehoorprobleme onder hierdie bevolking relatief laag is. Dit bevestig vorige navorsing wat bevind dat die algemene gesondheid van hierdie bevolking goed is.